إثر تداول مستعملي مواقع التواصل الإجتماعي تدوينة كتب فيها ما يلي :' نموت و نعرف

 

كوجينة خالتك جنات العرافة..كرهبة سليمان..بوتيك زينب..كوجينة بيرو سليمان..و ذياب ولد الباجي ماتريكس..و اهم حاجة قعدت في قلبي اش كتبت زينب لسليمان في اك الورقة'، قام كاتب سيناريو شوفلي حل حاتم بلحاج بالإجابة على هذه الأسئلة
الورقة ما يلزمكمش تعرفو آش فيها خاطرها مبنيّة على فازة... ما تعرفوش آش فيها
كوجينة جنّآة ما اتطيّب كان الشّكشوكة... زايد باش نصرفو ديكور على شكشوكة
كرهبة سليمان في مخّي... فولفو قديمة و الّا مرسيديس.. الحق نسيت
بوتيك زينب تبيع شمع و كنت ريت بوتيك كيفها في المنازه فيها حويجات مزيانين أمّا تنشّ في الذبّان و سكّرت بعد  أشهرة
كوجينة بيرو سليمان صغيرة ياسر متاع بيرو... خمّمت نحطّ فيها جرّاية يرقد فيها السبّوعي أمّا بعد بما أنّو الستوديو متاعو قريب... زايد باش "نحلّ" ديكور جديد على لقطة
ذياب مستوحى من حكاية واقعيّة... مرّة بحذا البارك... عرضني بو و ولدو بصحيحتو... و البو يصيح عليه كيفاش فاصع مالتّمارين باش يلعب في الشّارع و قالّو جملة من نوع "لاك فالح لا في الكورة لا في القراية" (نتمنّى ذياب الحقّاني نجح في حياتو بالطّريقة الّي تمنّاها هوّ خاطر كي فاق بيّا مبهّم في اللّقطة... تبسّملي كيف الّي حبّ يقلّي ما تاخوش عليه... ماني عامل كان الّي في مخّي)، كما تحدث أيضا على حرفية الممثل سفيان الشعري في تصويره لإحدى اللقطات خلال شهر رمضان وقال : ' نحبّ نحكيلكم على حرفيّة سفيان الشّعري... يصوّر في حلقة العرس فوق السطّح في رمضان و صلاح الصّيد الّي ما يكمّل اللّقطة الّا ما يعاودها برشة مرّات باش تجي parfaite يصوّر في سفيان كلّ مرّة ياكل الحلوّ بنهم و من غير ما يبلعو خاطرو صايم... كي كمّلنا قتلو ما كنتش نتصوّر عندك ها العزيمة هاذي ياخي تحلّف فيّا و قالّي "نحلف عليك عملتها بلعاني" حلفتلو لا و الّي بالصّدفة تبرمج تصويرها في رمضان... ما صدّقنيش... ياخي في اللّقطة الّي بعد... زدتو يشرب في القازوز... ياخي زاد تحلّف فيّا أما جات ضامرة و منعت منّو' أخيرا توجه الكاتب حاتم بلحاج لمتابعي السلسة بمزيد الأسئلة إن وجدت وأعرب أنه مستعد للإجابة

 

إضافة تعليق

الأكثر قراءة